निवेदन: ‘सूण ल्यो’ बटन पर क्लिक करिक आप खबर पढ़णै जगा सूण बि सकदन
केंद्रीय आयुष मंत्रालय, भारत सरकार द्वारा 20 फरवरी खुणि मुंबई मा आयोजित एक कार्यक्रम मा आयुर्वेद एवं जड़ी-बूटी विशेषज्ञ डाॅ. मायाराम उनियाल तैं प्रतिष्ठित धनवंतरि पुरस्कार से सम्मानित करेगे। दगड़ मा आयुष मंत्रालय न् प्रकृति परीक्षण अभियान का पैला चरण मा उत्तराखंड का प्रयासों की बि सराहना करे।
डाॅ. मायाराम उनियाल तैं यो केंद्रीय आयुष मंत्री (स्वतंत्र प्रभार) ने प्रताप राव जाधव द्वारा दियेगे। डाॅ. उनियाल दगड़ मा द्वी हौरि विशेषज्ञों तै बि धन्वंतरि पुरस्कार प्रदान करेगे। ये पुरस्कार मा विशेषज्ञों तै पांच-पांच लाख रुपये की धनराशि प्रदान करेगे। डाॅ. उनियाल न आयुर्वेद अर जड़ी-बूटी का क्षेत्र म कई शोध करीन्। वून् बोले कि उत्तराखंड मा आयुर्वेद की काफी संभावना छन।
वखी, आयुष मंत्रालय न् प्रकृति परीक्षण अभियान बि चलै। पैला चरण म उत्तराखंड मा डेढ़ लाख लोगों को प्रकृति परीक्षण ह्वे। इस अभियान मा उत्तरकाशी का महिडांडा जना सीमांत इलाके मा स्थित आईटीबीपी की पोस्ट तक बि आयुष टीम पौंछे अर जवानों को प्रकृति परीक्षण टीम द्वारा करेगे। राज्य समन्वयक डाॅ. जेएन नौटियाल न् बोले कि विपरीत भौगोलिक स्थितियों का बावजूद डेढ़ लाख लोगों को उत्तराखंड मा प्रकृति परीक्षण करये गे।
