मुख्यमंत्री पुष्कर सिंह धामी का निर्देशानुसार उत्तराखंड तै योग की वैश्विक राजधानी का रूप मा विकसित कर्ना वास्ता गढ़वाल मंडल विकास निगम अर पर्यटन विभाग द्वारा 1 मार्च से 7 मार्च तक ऋषिकेश मा ‘अंतर्राष्ट्रीय योग महोत्सव’ को आयोजन करे जाणू छ।
गढ़वाल मंडल विकास निगम का प्रबंध निदेशक विशाल मिश्रा न् बतै कि यो प्रतिष्ठित योग महोत्सव गंगा रिसोर्ट, ऋषिकेश मा आयोजित होलो, जैको उद्घाटन 1 मार्च खुणि प्रदेश का मुख्यमंत्री पुष्कर सिंह धामी जीन् कर्न।
ये आयोजन मा देश-विदेश का ख्यातिप्राप्त योगाचार्य, साधक अर प्रतिभाग्यूं द्वारा विभिन्न योग आसनों अर ध्यान विधियों को अभ्यास करये जालो। महोत्सव मा हर दिन अलग-अलग सत्रों मा योग प्रशिक्षण दिये जालो। येका अलावा, सांस्कृतिक कार्यक्रम बि होला अर आध्यात्मिक संतों का प्रवचन बि सुणणा खुणि मिलला।
मुख्यमंत्री पुष्कर सिंह धामी जीन् का विचार छन कि उत्तराखंड की पूरि दुनिया मा योग अर अध्यात्म की भूमि का रूप मा पछ्याण छ। ऋषिकेश न केवल योग की अंतर्राष्ट्रीय राजधानी छ, बल्कि या भारत की सांस्कृतिक अर आध्यात्मिक धरोहर को प्रतीक बि छ। वूंन बोले कि अन्तर्राष्ट्रीय योग महोत्सव से पूरि दुन्या तै भारतै यीं प्राचीन विधा को लाभ मिललो। मैं सब्बि योग प्रेमियों अर साधकों से ये महोत्सव मा भाग ल्हेण को आह्वान करदु।
अन्तर्राष्ट्रीय योग महोत्सव मा आध्यात्मिक जगत का जण्या-पछ्यण्या लोग बि अपड़ा विचार साझा कारला,ज्यां से प्रतिभागियों तै गहरी आध्यात्मिक अनुभूति मिललि।
