मुख्यमंत्री पौंछिन् उत्तराखंड जनजातीय महोत्सव – 2025 कार्यक्रम मा
श्री नरेंद्र सिंह नेगी एवं श्री किशन महीपाल ह्वेनि सम्मानित

निवेदन: ‘सूण ल्यो’ बटन पर क्लिक करिक आप खबर पढ़णै जगा सूण बि सकदन
मुख्यमंत्री न् उत्तराखंड जनजातीय महोत्सव – 2025 कार्यक्रम मा करे प्रतिभाग
श्री नरेंद्र सिंह नेगी एवं श्री किशन महीपाल ह्वेनि सम्मानित
जनजातीय शोध संस्थान का ढाँचा तै स्वीकृत कर्नै घोषणा।
मुख्यमंत्री जनजाति रोजगार उत्कर्ष योजना का संचालन खुणि प्रतिवर्ष 1 करोड रुपए की धनराशि दिये जालि
मुख्यमंत्री श्री पुष्कर सिंह धामी न् शनिवार खुणि परेड ग्राउंड देहरादून मा राज्य जनजातीय शोध संस्थान द्वारा आयोजित उत्तराखंड जनजातीय महोत्सव – 2025 कार्यक्रम मा भाग ल्हे। ये मौका पर मुख्यमंत्री न् उत्तराखंड आदि गौरव सम्मान पुरस्कार – 2025 से लोक गायक श्री नरेंद्र सिंह नेगी एवं किशन महीपाल तै सम्मानित करे।
ये दौरान मुख्यमंत्री न् जनजातीय शोध संस्थान का सफल संचालन हेतु जनजातीय शोध संस्थान का ढाँचा तै स्वीकृति प्रदान कर्ने एवं जनजातीय युवक-युवतियों तै आत्मनिर्भर बनाणै अर रोजगार की दिशा मा काम कर्ना वास्ता मुख्यमंत्री जनजाति रोजगार उत्कर्ष योजना का संचालन का वास्ता हर साल 1 करोड रुपए की धनराशि देणै घोषणा करे। मुख्यमंत्री न् देशभर का विभिन्न जनजाति समाज द्वारा बणयां उत्पादों पर आधारित स्टालों को बि अवलोकन करे। वून् जनजातीय शोध संस्थान द्वारा कर्यां कामों पर आधारित लघु फिल्म को बि अवलोकन करे।
मुख्यमंत्री बोले कि जनजाति महोत्सव, प्रदेश का सांस्कृतिक वैभव अर जनजातीय परंपराओं का संरक्षण अर संवर्धन का उत्सव व जनजातीय परंपराओं तैं जीवंत रखणौ प्रयास छ। इना आयोजनों से हमतै जनजातीय समाज की समृद्ध परंपराओं तै देखणौ, समझणौ अर वांसे प्रेरणा ल्हेणौ अवसर मिलद। वून् बोले कि उत्तराखंड की भूमि प्राकृतिक सौंदर्य दगड़ै-दगड़ समृद्ध सांस्कृतिक विरासत का वास्ता बि जणै जांद। हमारा राज्य मा मुख्य रूप से थारू, भोटिया, जौनसारी, राजी व बुक्सा जनजाति निवास करदन, जौंकि परंपरा, लोककला, हस्तशिल्प, लोकगीत, नृत्य अर खानपान हमारि संस्कृति तै खास पछ्याण देंद वून बोले कि राज्य सरकार, उत्तराखंड मा आदिवासी समाज का विकास का वास्ता रात-दिन काम कनी रैलि।
मुख्यमंत्री बोले कि राज्य सरकार, उत्तराखंड का आदिवासी व जनजातीय समुदाय का कल्याण अर वूंका जीवन स्तर तै बेहतर बणाणा वास्ता काम कनी छ। प्रधानमंत्री जनजातीय उन्नत ग्राम अभियान का अंतर्गत उत्तराखंड का 128 जनजातीय गांवों को चयन करे गे। चयनित गांवों मा बुनियादी सुविधाओं का विकास तै बढ़ावा दियेणू छ। राज्य मा 4 एकलव्य आदर्श आवासीय विद्यालय, कालसी, मेहरावना, बाजपुर व खटीमा मा संचालित होणा छन, जैमा जनजातीय समुदाय का छात्रों तै निशुल्क शिक्षा व हॉस्टल की सुविधा दिये जांद। जनजातीय समाज का बच्चों तै प्राईमरी स्तर से स्नातकोत्तर स्तर तक छात्रवृत्ति बि दिये जाणी छ। शैक्षिक उत्थान एवं विकास हेतु सरकार द्वारा वर्तमान मा 16 राजकीय आश्रम पद्धति विद्यालयों को संचालन करे जाणू छ। जनजाति का शिक्षित बेरोजगार युवक-युवतियों तै तकनीकी शिक्षा प्रदान कर्ना वास्ता प्रदेश मा तीन आई.टी.आई. संस्थानों को संचालन होणू छ। प्रतियोगी परीक्षाओं की तैयारी का वास्ता कोचिंग की निःशुल्क व्यवस्था बि कर्यीं छ।
मुख्यमंत्री न् बोले कि जनजातियाँ, प्रकृति का साथ सामंजस्य स्थापित करिकै जीवन जीणै प्रेरणा, पर्यावरण संरक्षण, जैव विविधता अर पारंपरिक चिकित्सा पद्धतियों का वास्ता बि खास योगदान देंदिन। वूंन बोले कि प्रधानमंत्री श्री नरेंद्र मोदी का नेतृत्त्व मा देश मा जनजातीय समाज का उत्थान का वास्ता ऐतिहासिक कदम उठौणी छ। प्रधानमंत्री न् भगवान बिरसा मुंडा की जयंती तै जनजातीय गौरव दिवस का रूप मा मनौणौ निर्णय ल्हे, ज्यांसे पूरा देश मा आदिवासी समाज की संस्कृति अर योगदान तै सम्मान मिले। प्रधानमंत्री जी का नेतृत्व मा प्राचीन परम्पराओं को हर्च्यूं वैभव बि फिर से स्थापित करे जाणू छ। प्रधानमंत्री जी का नेतृत्व मा आदिवासी समाज का समग्र विकास का वास्ता धरातल पर नया प्रयोग हूणा छन।
मुख्यमंत्री न् बोले कि प्रधानमंत्री श्री नरेंद्र मोदी का नेतृत्व मा जनजातीय समाज का विकास का वास्ता दिये जाण वल़ा बजट तैं 3 गुणा बढ़ये गे। जनजातीय समाज तै एकलव्य मॉडल स्कूल, प्रधानमंत्री जनजातीय उन्नत ग्राम अभियान, वन धन योजना, प्रधानमंत्री जनजातीय विकास मिशन, विभिन्न पशुपालन अर कृषि संबंधित योजनाओं का माध्यम से मुख्यधारा से जोड़णौ मा करे जाणू छ। वूंन बोले कि भगवान बिरसा मुंडा से प्रेरणा ल्हेकी राज्य सरकार बि उत्तराखंड का सांस्कृतिक मूल्यों अर डेमोग्राफी तै संरक्षित रखणा वास्ता हेतु काम कर्नी छ। प्रदेश मा सख्त धर्मांतरण विरोधी कानून व देश मा सबसे पहले समान नागरिक संहिता कानून लागू करे गे। यूसीसी से सब्बि जनजातीय समाज का लोगों तै भैर रखेगे।
ये अवसर पर केंद्रीय राज्य मंत्री श्री अजय टम्टा, लोक गायक श्री नरेंद्र सिंह नेगी, मेयर श्री सौरभ थपलियाल, विधायक श्रीमती सविता कपूर, सचिव श्री नीरज खैरवाल, अपर सचिव श्री गौरव कुमार, निदेशक जनजाति कल्याण श्री संजय सिंह टोलिया, लोक गायक किशन महीपाल का दगड़ कई अन्य लोग मौजूद छया।