उर्मि नेगी की फिल्म ‘बथौं- सुबेरो घाम-2’ तैं ग्रीस इंटरनेशनल फिल्म फेस्टिवल मा मिले सर्वश्रेष्ठ फिल्म को अवार्ड

प्रतिष्ठित ग्रीस इंटरनेशनल फ़िल्म फेस्टिवल मा ऊर्मि नेगी उत्तराखंडी फ़िल्म बथौं-सुबेरो घाम 2 न् सर्वश्रेष्ठ फ़िल्म काे अवार्ड जीते। ये प्रतिष्ठित फ़िल्म फेस्टिवल मा दुन्या भर से कै हज़ार फ़िल्म प्रतियोगिता मा छई, जै मा आखिरिमि बथौं -सुबेरो घाम २ तै सर्वश्रेष्ठ फ़िल्म घोषित करेगे।
ऊर्मि नेगी य महत्वाकांक्षी फ़िल्म न् अब तक सर्वश्रेष्ठ फ़िल्म , सर्वश्रेष्ठ अभिनेत्री का दगड़ै-दगड़ पूरा विश्व मा कतनै श्रेणियों मा 37 अवार्ड अपणा नौं करि यालिन्। ऊर्मि नेगी जी को ब्वनो छ कि मेरो ध्येय , मेरो लक्ष्य यी छ कि मैं उत्तराखण्डी सिनेमा तैं इना स्तर पर ल्हिजौं कि जख मा यो विश्व स्तरीय फ़िल्मों का बीच अपणि पछ्याण बणैकी , अपणि श्रेष्ठता सिद्ध करिक , अपणि संस्कृति को प्रचार-प्रसार का साथ दुन्या भर मा अपणा उत्तराखंड को नाम रोशन करा। यीं दिशा मा हि वो अगाड़ि बढ़णी छन अर येका वास्ता वूंन् अपणी नया प्रोजेक्ट पर काम कर्नो शुरु करियाल। ऊर्मि नेगी जी बोलि कि वो एक भव्य अर सार्थक फ़िल्म बणाणै कल्पना कर्नी छन , जो मेरो ड्रीम प्रोजेक्ट होलो, आखिर ‘बथौं’ फिल्म न् इतनो बड़ो बेंचमार्क जो बणै याले।