पौड़ी: मेसमोर इण्टर कालेज पौड़ी मा राष्ट्रीय सुरक्षा गार्ड का सहायक कमांडर शहीद हरीश सिंह नेगी की मूर्ति को अनावरण

मेसमोर इण्टर कालेज पौड़ी मा आज राष्ट्रीय सुरक्षा गार्ड का सहायक कमांडर शहीद हरीश सिंह नेगी की मूर्ति को अनावरण करेगे। गृह मंत्रालय अर राष्ट्रीय सुरक्षा गार्ड का संयुक्त प्रयासों से शहीद हरीश नेगी का विद्यालय मा स्थापित मूर्ति को अनावरण मुख्य अतिथि क्षेत्रीय विधायक राजकुमार पोरी न् करे।

ये विद्यालय बटि हि शहीद हरीश नेगी न् इन्टरमीडिएट परीक्षा पास करि छई। वर्ष 1990 मा पंजाब मा आतंकवादी घटनाओं का कारण वरनाला अर पूनिया गांवा बीच एसएसजी न् गस्त देणि शुरू करे ये बीच कुछ आतंकी जब एनएसजी का करीब औण लगिन् त् एनएसजी का सहायक कमांडर हरीश सिंह नेगी न् आतंकियों पर सबसे पैलि फायर करे। ये मुठभेड़ मा आतंकियों न् पिछनै बटि हमला करिक सहायक कमांडर हरीश रावत पर गोलि चलै देनि जैसे वो शहीद ह्वे गैनि। राष्ट्रीय सुरक्षा गार्ड ये अमर शहीद तै सदान स्मरण करद अर वूंका बलिदान तैं याद करदि हर साल वूंतै श्रद्धांजलि अर्पित कर्नू वूंका गौं पहुँचद।

ये अवसर पर हरीश सिंह नेगी की मूर्ति का अनावरण समारोह मा पौंछ्यां राष्ट्रीय सुरक्षा गार्ड का इंस्पेक्टर राकेश बिष्ट न् बोलि कि शहीद हरीश सिंह नेगी का विद्यालय मा य प्रतिमा गृह मंत्रालय का सहयोग से स्थापित ह्वे सके जो एनएसजी अर पौड़ी खुणि बि गौरव की बात छ।

शहीद की प्रतिमा का अनावरण करदि मुख्य अतिथि क्षेत्रीय विधायक राजकुमार पोरी न् बोले कि आज को यो गौरवशाली दिन हम सबका वास्ता महत्वपूर्ण छ जब अपनी धरती का शहीद तैं याद करदि शहीद का विद्यालय मा वूंकि मूर्ति को अनावरण होणू छ। पैंतीस साल बाद प्रतिमा स्थापित कर्ना का वास्ता गृह मंत्रालय भारत सरकार की पहल को आभार व्यक्त करदि विधायक पोरी न्  बोले कि यो काम युवाओं मा देश भक्ति को भाव पैदा कारलो।

इस मौका पर शहीद हरीश सिंह नेगी की धर्मपत्नी श्रीमती वैजयंती नेगी न् मूर्ति स्थापित कर्ना वास्ता एनएसजी को आभार व्यक्त करे अर बोले कि य एक अनुपम पहल छ। शहीद की पत्नी न् विद्यालय परिवार से उम्मीद करे कि या मूर्ति अब विद्यालय की धरोहर का रूप मा संरक्षित रखे जाली जो विद्यालय मा देशभक्ति की प्रेरणास्त्रोत होलि।