लाखामंडल: महाशिवरात्रि का अवसर पर भगवान शिव का मंदिर मा पूजा-अर्चना
संतान सुख की कामना का वास्ता लोगूंन् रखीन् व्रत
निवेदन: ‘सूण ल्यो’ बटन पर क्लिक करिक आप खबर पढ़णै जगा सूण बि सकदन
उत्तराखंड का प्राचीन धार्मिक स्थल लाखामंडल मा ये साल महाशिवरात्रि काे त्योहार बड़ि धूमधाम से मनये गे। ये पावन पर्व पर विशेष रूप से वूं महिलाओं न व्रत रखीन् जौंका मन मा संतान सुख की इच्छा छ। मान्यता छ कि जो महिला ये मंदिर मा व्रत रखिकी पूरी रात द्यू बाल़ी बैठीं रैंद, भगवान भोलेनाथ वींकी मनोकामना जरूर पूरी करदन।
लाखामंडल एक प्राचीन धार्मिक अर ऐतिहासिक महत्व की जगा छ, जख कई देवी-द्यबतौं की मूर्ति स्थापित छन। यख लाखों शिवलिंग छन, जौंमा बटे एक पारदर्शी शिवलिंग बि छ। ये विशेष शिवलिंग मा जल चढौंदि बगत अपणि खुद की छाया दिखेंद, जैतैं भक्त चमत्कार मानदन।
या जगा महाभारत काल से संबंधित बताये जांद अर यख पांडवों की गुफा “लाक्षागृह” का नाम से प्रसिद्ध छ। मान्यता छ कि कौरवों न् पांडवों तैं मारणा खुणि यख लाक्षागृह (मोम को महल) बणै छौ, लेकिन पांडव वख बटे बि ज्यूंदा बचगैनि। येका अलावा, यख एक प्राचीन कुआं बि छ, जैको संबंध पांडवों से बताये जांद।
