19 जुलाई 2025 मा प्रीतम रोड, देहरादून मा उत्तराखंड साहित्य सम्मेलन अर हिमालय विरासत ट्रस्ट न् मिलिकै एक काव्य गोष्ठी उर्ये। यीं कवि गोष्ठी मा देहरादून अर नेड़ु-धोरा का कई कब्यूंन अपणो कविता पाठ करे जैमा दाना-दिवना ज्याठा कव्यूं का दगड़ ज्वान-जवान कणसा कवि बि मौजूद छया।
कार्यक्रम की अध्यक्षता सेवानिवृत्त प्रधानाचार्य अर वरिष्ठ साहित्यकार डॉ. बसंती मठपाल जी न करे। गोष्ठी मा मुख्य अतिथि का रूप मा सेवानिवृत्त चीफ इंजीनियर अर साहित्यकार श्री सुभाष चंद्र सैनी जी अर विशिष्ट अतिथि गिरि-गौरव का संपादक श्री राजीव उनियाल जी छया। गोष्ठी को सैज संचालन उत्तराखंड साहित्य सम्मेलन का महामंत्री वीरेन्द्र डंगवाल “पार्थ” नि करे। ये मौका पर उत्तराखंड साहित्य सम्मेलन का अध्यक्ष नरेंद्र उनियाल अर कोषाध्यक्ष जीके पिपिल, हिमालय विरासत न्यास बटि बेचैन कंडियाल, नीरज नैथानी, डॉ मनोरमा नौटियाल, नवीन आजम, महेंद्र प्रकाशी, डॉ अनिल शास्त्री ‘शरद’, उर्मिला सिंह, योगेश्वर गौड़, नीलम प्रभा वर्मा, सतीश बंसल, देवेंद्र उनियाल, बृजपाल रावत, परमवीर कौशिक, डॉ सत्यानंद बडोनी, अरुण भट्ट, राजेंद्र निर्मल, दीपक सती “प्रसाद”, नरेंद्र शर्मा, सुभाष चंद्र वर्मा अर हौरि कब्यूं न् कविता पाठ करे।
कार्यक्रम मा विजय प्रकाश डंगवाल, इंदु भूषण सकलानी, जगवीर सिंह, कुसुम कंडियाल बि उपस्थित छया।
