‘कल्याण’ पत्रिका का शताब्दी अंक को ह्वे भव्य विमोचन

21 जनवरी 2026 खुणि केन्द्रीय गृह अर सहकारिता मंत्री अमित शाह अर उत्तराखण्ड का मुख्यमंत्री पुष्कर सिंह धामी न् गीता प्रेस, गोरखपुर द्वारा प्रकाशित मासिक पत्रिका ‘कल्याण’ का शताब्दी अंक को लोकार्पण करे। ये मौका पर गुजराती भाषा मा प्रकाशित ‘आरोग्य अंक’ को भि लोकार्पण करेगे।

विमोचन समारोह का मौका पर केंद्रीय गृह मंत्री अमित शाह न् बोले कि ‘कल्याण’ केवल एक पत्रिका नी छ, बल्कि भारतीय समाज का वास्ता आध्यात्मिक, सांस्कृतिक इर वैचारिक चेतना को जीवंत दस्तावेज छ। पिछला 100 वर्षों मा यीं पत्रिका न् बिना कै विकृति या समझौता का श्रीमद्भागवत, रामचरितमानस, महाभारत, पुराणों अर कतनै हौरि सनातन साहित्य पीढ़ी-दर-पीढ़ी आमजन तक पौंछै। वूंन बोले कि जो भारत अर भारतै संस्कृति तैं समझदन, वो गीता प्रेस अर कल्याण पत्रिका का योगदान तैं अंक्वेकि जणदन।

गृह मंत्री न् पूज्य हनुमान प्रसाद पोद्दार ‘भाईजी’ का तपस्वी जीवन इर निस्वार्थ सेवा तै जैद्यो जुहार करे अर बोले कि गीता प्रेस न् योग, श्रीकृष्ण, हिंदू संस्कृति अर राष्ट्रबोध जना कतनै विषयों पर प्रकाशित विशेषांकों का माध्यम से करोड़ों लोगों तैं वैचारिक दिशा प्रदान करे। वूंन बोले कि भल्ला लोगों की कमि कभी नि होंदि, कमी होंद त वूंतै कट्ठा कर्नै होंद, अर कल्याण न य भूमिका भौत हि बढ़िया ढंग से निभै। वूंन विश्वास जतै कि गीता प्रेस की या सात्विक परंपरा अगाड़ि बि इन्नि निष्ठा का दगड़ अगनै बढ़णी राली।

ये मौका पर मुख्यमंत्री पुष्कर सिंह धामी न् बोले कि कल्याण को शताब्दी अंक सनातन संस्कृति, राष्ट्र चेतना अर आध्यात्मिक पुनर्जागरणै वीं ऐतिहासिक साधना तैं नमन छ, जैंन एक शताब्दी से बि बिंडि समय तक भारतीय समाज तैं जीवन मूल्य, संस्कार अर राष्ट्रीय स्वाभिमान से जोड़णौ काम करे। मुख्यमंत्री जीन् गीता प्रेस परिवार तै यीं ऐतिहासिक उपलब्धि पर हार्दिक बधाई दे।

मुख्यमंत्री न् बोले कि स्वर्गीय जयदयाल गोयन्दका जी अर स्वर्गीय हनुमान प्रसाद पोद्दार जी द्वारा स्थापित गीता प्रेस की परंपरा आज भि देश तै वेकि सांस्कृतिक विरासत से जोड़णौ काम कर्नी छ। वूंन बोले कि प्रधानमंत्री नरेंद्र मोदी अर केंद्रीय गृह मंत्री अमित शाह का नेतृत्व मा भारत अपणि सांस्कृतिक विरासत तै सशक्त बणैकी आत्मनिर्भर राष्ट्र की दिशा मा अगनै बढ़णू छ। वून् अनुच्छेद 370 की समाप्ति, आतंकवाद व नक्सलवाद का विरुद्ध कठोर कार्रवाई अर सहकारिता क्षेत्र मा हुयां सुधारों तैं गृह मंत्री का दृढ़ संकल्प अर नेतृत्व को फल बतै अर उत्तराखंड की जनता की ओर से आभार व्यक्त करे।

मुख्यमंत्री न् बोले कि जब विदेशी अर विकृत विचारधारा समाज तैं भ्रमित कर्नी छ, वे टैम पर गीता प्रेस न् श्रीमद्भगवद्गीता, उपनिषद, रामचरितमानस अर पुराणों को शुद्ध एवं प्रामाणिक प्रकाशन करिक भारतीय चेतना तैम जागृत करे। वूंन बोले कि गीता प्रेस न् अब तक 101 करोड़ से बि जादा धार्मिक ग्रंथों को प्रकाशन करियाले।

ये मौका पर कल्याण पत्रिका का संपादक कृष्ण कुमार खेमका जीन् बतै कि अब तक कल्याण पत्रिका की लगभग 17 करोड़ 50 लाख प्रतियाँ प्रकाशित ह्वेगिन जो येका व्यापक जनविश्वास अर सांस्कृतिक प्रभाव तैं दर्शांद।ये समारोह मा गढ़वाल सांसद अनिल बलूनी, हरिद्वार सांसद त्रिवेंद्र सिंह रावत, स्वास्थ्य मंत्री डॉ. धन सिंह रावत, कृषि मंत्री गणेश जोशी, वन मंत्री सुबोध उनियाल, परमार्थ निकेतन का अध्यक्ष स्वामी चिदानंद सरस्वती जी महाराज, पूज्य द्वाराचार्य स्वामी राजेन्द्रदास जी महाराज, केशोराम जी अग्रवाल, आचार्य स्वामी गोविन्ददेव गिरि जी महाराज, आचार्य महामंडलेश्वर स्वामी अवधेशानन्द गिरी जी महाराज, गोविंदानंदजी तीर्थ जी महाराज, विधायक यमकेश्वर रेनू बिष्ट, ऋषिकेश विधायक प्रेमचंद्र अग्रवाल, विधायक हरिद्वार मदन कौशिक, पुलिस महानिदेशक दीपम सेठ, प्रमुख सचिव गृह शैलेश बगोली, जिलाधिकारी पौड़ी स्वाति एस. भदौरिया, वरिष्ठ पुलिस अधीक्षक पौड़ी सर्वेश पंवार, मुख्य विकास अधिकारी पौड़ी गिरीश गुणवंत का दगड़ै-दगड़ कति अधिकारी, जनप्रतिनिधि, धर्म, संस्कृति अर साहित्य जगत से जुड़्यां कतनै गणमान्य व्यक्ति उपस्थित छया।