38वां राष्ट्रीय खेलों मा उत्तराखंड का वास्ता पदक जितण वल़ा खिलाड़ियों तैं सरकारि नौकरि देणौ जंकजोड़ शुरू

प्रदेश सरकार न्  38वां राष्ट्रीय खेलों मा उत्तराखंड खुणि पदक जितण वळा खिलाड़ियों तैं सरकारि नौकरि देणै कवायद शुरू करि याल। खेल मंत्री रेखा आर्या न् शुक्रवार खुणि अधिकारियों की बैठक बुलैकी तेजी से कार्रवाई कर्ना निर्देश जारी करीन्।

खेल मंत्री का कैंप कार्यालय मा आयोजित बैठका बाद खेल मंत्री रेखा आर्या नि बतै कि पदक विजेताओं का जॉब ऑफर को प्रस्ताव तैयार करिक जल्द कैबिनेट मा ल्हाणा कु बोलेगे। खेल मंत्री न् बोले कि यीं प्रक्रिया तैं चमचमाक पूरो करे जालो। वूं बोले कि कि येका अलावा सरकार नि पदक विजेताओं का वास्ता जो नगद इनाम राशि की घोषणा करि छई, वां पर काम शुरू ह्वेगे। बैठक मा खेल मंत्री रेखा आर्या न् अधिकारियों तैं खिलाड़ियों की नगद इनाम राशि वूं तै जल्द से जल्द दिलाणौ तैं बोले। बैठक मा खेल मंत्री रेखा आर्या न् बतै कि प्रदेश मा अब जतना खेल अवस्थापनाएं, स्टेडियम, ऑडिटोरियम, मल्टीपरपज हॉल, साइकलिंग वैलोड्रोम, शूटिंग रेंज आदि तैयार ह्वेगिन, तौंकि देखरेख व संचालन आदि का वास्ता बि नीति बणाणै जरूरत छ। खेल मंत्री न् अधिकार्यूं से बोले कि यांको लेगेसी प्लान तैयार करिक यीं दिशा मा तेजी से काम करे जावा। बैठक मा विशेष खेल सचिव अमित सिन्हा, खेल निदेशक प्रशांत आर्य समेत अन्य अधिकारी मौजूद छया।

यीं पहल का तहत टीम इवेंट का हर खिलाड़ी तैं नौकरि मिलली। राष्ट्रीय खेलों मा उत्तराखंड का खिलाड़ियों न् कुल 103 मेडल जितीं। यामा बटे जो मेडल टीम इवेंट मा ऐनी, वूं टीमों का हर खिलाड़ी तैं सरकारि नौकरि दिये जाली। ये कोटा मा सरकारी नौकरी खुणि खिलाड़ी मा उत्तराखंड को मूल निवास या स्थाई निवास सर्टिफिकेट होणो आवश्यक छ। खास बात या छ कि गोल्ड मेडल जितण वळा खिलाड़ियों तै 4200 ग्रेड पे वळि नौकरी दिये जालि जबकि सिल्वर या ब्रॉन्ज मेडल जितण वळा खिलाड़ियों तै ₹2800 या ₹2000 ग्रेड पे वळि नौकरि मिललि। खिलाड़ियों तै ये नौकरि ज्यादातर खेल अर युवा कल्याण विभाग व पुलिस विभाग मा दिये जालि।

बैठक मा खेल मंत्री रेखा आर्या न् अधिकारियों तै मुख्यमंत्री खिलाड़ी उदीयमान उन्नयन योजना अर मुख्यमंत्री खिलाड़ी प्रोत्साहन योजना का वास्ता नया खिलाड़ियों कि चयन-प्रक्रिया शुरू कर्ना का निर्देश बि दिने। खेल मंत्री न् अधिकारियों से बोले कि शिक्षा विभाग का कैलेंडर का हिसाब से हर जिला का अधिकारियों से चर्चा करा अर जल्द ट्रायल की तारीख घोषित करा। खेल मंत्री न् बोले कि येका वास्ता अगला सत्र मा स्कूल कॉलेज खुलणै जग्वाल़ कर्नै जर्वत नी छ, बल्कि अब्बि बटि येकि प्रक्रिया पूरि करे जाण चयेंद।