गाज़ियाबाद मा बसंतोत्सव: कवि सम्मेलन अर गढ़वाली कुमाउनी, जौनसारी भाषाओं पर विमर्श
1 मार्च 2025 कु हिमवंत (चंद्र कुंवर बर्त्वाल स्मृति मंच) का तत्वावधान मा वसुंधरा, गाज़ियाबाद मा बसंतोत्सव का रूप मा हास्य कवि सम्मेलन व गढ़वाली कुमाउनी अर जौनसारी भाषाओं की वर्तमान स्थिति पर विमर्श को कार्यक्रम आयोजित करेगे। ये शानदार कार्यक्रम का प्रथम सत्र मा भाषा विशेषज्ञों न् उत्तराखंड की तीन मुख्य स्थानीय बोलियों की स्थिति पर अपणा विचार व्यक्त करीन्। येका बाद आमंत्रित कवियों द्वारा अनेक विधाओं मा प्रतिनिधि रचनाओं को वाचन करेगे।
ये अवसर पर डॉ सुरेन्द्र सिंह रावत, कुंज बिहारी मुंडेपी, सुशील बुड़ाकोटी, डॉ रामेश्वरी नादान, व्यौमेश जुगराण, राजेन्द्र बिष्ट, भगवती प्रसाद जुयाल गढ़देसी, अनूप सिंह रावत, ममता रावत मंदाकिनी, दीवान सिंह नेगी, इत्यादि कवियों द्वारा कविता पाठ करे। दिल्ली अर राष्ट्रीय राजधानी क्षेत्र बटि अयां अन्य अनेक साहित्यप्रेम्यूंन् अपणि उपस्थिति दे। कुशल मंच संचालन पृथ्वी सिंह केदारखंडी जीन् करे।
आयोजन तै सफल व सार्थक बणाण मा अंजलि थपलियाल, श्री पी एन शर्मा, चंदन सिंह गुसाईं, चंदर सिंह रावत ‘स्वतंत्र, रामेश्वरी नादान, अनूप रावत, हेमंती नेगी व ज्योति नेगी का दगड़ हौरि सदस्यों को सराहनीय सहयोग रै।
