छोटो गढ़देवा-२०२६ कि रंगारंग शुरूआत, १५ विकासखंडों का २००० नौन्याळ दिखाला खेल प्रतिभा
श्रीनगर। CDS जनरल बिपिन रावत स्पोर्ट्स स्टेडियम, श्रीकोट मा मंगलवारौ मिनी गढ़देवा-२०२६ को भव्य शुभारंभ ह्वे। उत्तराखंड सरकारा कैबिनेट मंत्री डॉ. धन सिंह रावतन खेल महोत्सव को उद्घाटन करि। प्रतियोगिता मा पौड़ी जिला का सभि १५ विकासखंडों बटिन करीब २००० बालक-बालिका प्रतिभाग करणा छन।
आयोजन को उद्देश्य नौन्याळौं तैं खेलों का प्रति प्रोत्साहित करण का दगड़ वूंमा अनुशासन, आत्मविश्वास, प्रतिस्पर्धा की भावना अर वूंमा मौजूद अर छिप्युं हुनर निखारण का वास्ता मंच दिलौंणो को छ।
उद्घाटना मौका पर नगर निगम श्रीनगर कि मेयर आरती भंडारी, अपर शिक्षा निदेशक गढ़वाल मंडल, जिला शिक्षा अधिकारी प्रारंभिक शिक्षा अंशुल बिष्ट, संयोजक अश्वनी रावत समेत कैयि संगठनों का पदाधिकारी, शिक्षक अर गणमान्य लोग मौजूद रैन।
खेल महोत्सव मा बड़ि संख्या मा आंयां छात्र-छात्राओंन बड़ा उत्साह का दगड़ कैयि खेलौंम हिस्सा लिनि। कार्यक्रम उर्योंण वाळोंन बोले कि यना आयोजन/कार्यक्रम, दूर दराज गौं का खेल हुनरमंदो तैं अग्नै ल्हौणम बड़ि जिमवारि बड़ो किरदार निभाला।
