अजक्याल उत्तराखण्डम सरकारै तरफां बिटिन चार भागम खेल महाकुंम्भ उर्यायों छ जो १. न्याय पंचैत, २. विधानसभा, ३. लोकसभा (संसदीय क्षेत्र) अर ४. राज्य स्तर पर चार चरणों मा करये जांणो छ।
उत्तराखंडा मुख्यमंत्री श्री धामि जिन बोलि कि खेल महाकुंभ उर्योंण को मकसद उत्तराखंडा नौना नौन्यों मा खेल प्रतिभा तैं प्रोत्साहित करणु , गौं गौं अर दूरदराज क्षेत्रों का प्रतिभाशाली खिलाड़्यों तैं बड़ू अर भलु (बेहतर) मंच देंणो छ।
खास बात: ये वर्षा राज्य-स्तरीय खेल महाकुंभ प्रतियोगिताओं मा पदक जितण वळा खिलाड़्यों तैं सरकारि सेवाओं मा 4 प्रतिशत क्षैतिज आरक्षण को फैदा दिए जालो।
सरकार को यो कारिज भौति भलु अर सुन्दर स्वागत ल्हैख कारिज छ, यां सि बच्चों थैं खेल का क्षेत्रम भविष्य बणौण को अच्छो मौका अर मंच मिल जालो, अर वो अपणा गौं क्षेत्र का दगड़ा अपणा राज्य को नौंऊ रोशन करि सकला।
