देश की राजधानी नई दिल्ली का भारत मंडपम ऑडिटोरियम मा रविवार (30 अगस्त 2026) खुणि उत्तराखंड का क्षेत्रीय सिनेमा, लोकसंगीत अर लोकसंस्कृति का वास्ता काम कर्न वळा उत्कृष्ट कलाकारों तै दिये जाण वळा उत्तराखंड सिने अवार्ड (YUCA-2026) समारोह को भव्य आयोजन करेगे। समारोह मा साल 2025 मा उत्तराखंड का क्षेत्रीय सिनेमा अर संगीत का क्षेत्र मा खास योगदान देण वळा कलाकारों, फिल्मकारों, गायकों, संगीतकारों अर हौरि कतनै प्रतिभाओं तै अलग-अलग श्रेणियों मा सम्मानित करेगे। ये कार्यक्रम मा उत्तराखंड की कला व संस्कृति जगत से जुड़्यां कतनै प्रतिष्ठित कलाकार, फिल्मकार, संगीतज्ञ अर कला प्रेमी उपस्थित छया।
साल 2026 का ये सम्मान समारोह मा प्रसिद्धरंगकर्मी अर कई फिल्मों अर म्यूजिक एल्बमों मा अभिनय कर्न वळा श्री बिमल बहुगुणा जी तैं दीर्घकालीन सेवाओं का वास्ता लाइफटाइम अचीवमेंट अवार्ड अर प्रसिद्ध लोकगायक, जागर सम्राट अर पद्म श्री प्रीतम भरतवाण जी तैं गोपाल बाबू गोस्वामी लीजेंडरी अवार्ड दियेगे।
फिल्म श्रेणी मा साल 2025 मा खास योगदान वास्ता अलग-अलग वर्ग मा अलग-अलग कलाकारों तैं यंग उत्तराखंड सिने अवार्ड्स से सम्मानित करेगे। सम्मानित होण वळा कलाकारों को विवरण कुछ इनो छ:-
सर्वश्रेष्ठ अभिनेता (मुख्य भूमिका) – सुनील सिंह (फिल्म – रैबार)
सर्वश्रेष्ठ अभिनेत्री (मुख्य भूमिका) – करिश्मा शाह (फिल्म- घपरोल) अर कल्याणी गंगोला (फिल्म – द्वी होला जब साथ)
सर्वश्रेष्ठ खलनायक – कैलाश कंडवाल (फिल्म – घपरोल)
सर्वश्रेष्ठ हास्य कलाकार – दीपक बंगवाल (फिल्म – घपरोल)
सर्वश्रेष्ठ सह अभिनेता – दीपक रावत (फिल्म- खोली का गणेश)
सर्वश्रेष्ठ सह अभिनेत्री – सुमन गौड़ (फिल्म – रैबार)
सर्वश्रेष्ठ छायाकार – धर्मेन्द्र सिसोदिया (फिल्म – रैबार)
सर्वश्रेष्ठ कहानी – शिशिर उनियाल/ भगत सिंह सैनी (फिल्म – रैबार)
सर्वश्रेष्ठ फिल्म निर्देशक – शिशिर उनियाल (फिल्म – रैबार)
सर्वश्रेष्ठ फिल्म – रैबार
सर्वश्रेष्ठ पृष्ठभूमि संगीत – विभू काशिव (फिल्म – रैबार)
संगीत की श्रेणी मा दिये जाण वळा पुरस्कार कुछ ये प्रकार से छन:-
सर्वश्रेष्ठ गीतकार – नरेन्द्र सिंह नेगी (गीत- कु रै होला छुंयाल)
सर्वश्रेष्ठ संगीतकार – कुशाल सिंह नील (गीत- पंचाचूली देश)
सर्वश्रेष्ठ छायांकन – धर्मेन्द्र सिंह जेठा (गीत- मेरी माया रौली)
सर्वश्रेष्ठ गायक – गणेश मर्तोलिया (गीत- पंचाचूली देश)
सर्वश्रेष्ठ गायिका – रूचि जन्गपांगी (गीत- पंचाचूली देश)
सर्वश्रेष्ठ विडियो निर्देशक – सिद्ध भोज (गीत- आख्युं बात)
सर्वश्रेष्ठ अभिनय (पुरुष)- मोहित घिल्डियाल (गीत- कु रै होला छुंयाल)
सर्वश्रेष्ठ अभिनय (महिला)- करुणा श्रेष्ठ (गीत- पंचाचूली देश)
सर्वश्रेष्ठ गीत / प्रोडक्शन हाउस – पंचाचूली देश (चांदनी इंटरप्राइजेज प्रोडक्शन)
सर्वश्रेष्ठ फिल्म को अवार्ड ‘रैबार’ फिल्म तैं मिले। अभिव्यक्ति की कार्यशाला की तरफ से फिल्म ‘रैबार’ तैं ₹1 लाख की सम्मान राशि दियेगे।
पुरस्कार समारोह का अलावा कार्यक्रम मा अलग-अलग लोक कलाकारों की बि प्रस्तुति ह्वेनि। कलाकारों न गायन अर पारंपरिक नृत्य प्रस्तुतियों का माध्यम से भारत मंडपम का मंच पर उत्तराखंड की सांस्कृतिक विरासत का सैंदिष्ट दर्शन करवे देनि। यीं दा पैलि दौ यंग उत्तराखंड सिने अवार्ड का कार्यक्रम मा गढरत्न नरेंद्र सिंह नेगी जी की बि खास प्रस्तुति ह्वे। हजारों -लाखों उत्तराखंडियों का प्रेरणास्रोत अर आदर्श श्री नरेंद्र सिंह नेगी जी जब मंच मा ऐनि त सर्या सभागार ताळ्यों से गुंजायमान ह्वेगे।
यंग उत्तराखंड सिने अवार्ड का कार्यक्रम को उद्देश्य नई पीढ़ी का कलाकारों अर फिल्मकारों तैं मंच देण का दगड़ै-दगड़ उत्तराखंड की लोककला, संस्कृति अर संगीत की समृद्ध परंपरा तैं अगनै बढ़ौण को जतन कर्नो बि छ।
देश की राजधानी नई दिल्ली का भारत मंडपम मा आयोजित ये शानदार समारोह न् उत्तराखंड की कला, संस्कृति, सिनेमा अर संगीत तैं एक मंच पर समेटिकि कार्यक्रम तैं कलाकारों का सम्मान अर सांस्कृतिक गौरव को एक समळौण्या पर्व बणै दे।
