फलदाकोट मा नवीन पटवाल न् शुरु करे गुच्छी मशरूम को व्यावसायिक उत्पादन

उत्तराखंड का पौड़ी जिला का एक छ्वटु सि गाँव फलदाकोट मा नवीन पटवाल न् गुच्छी मशरूम की व्यावसायिक खेती शुरु कर्ना अपणि कोशिश मा सफलता हासिल करि याले। लोग ब्वना छन बल इनो काम भारत मा पैली बार ह्वे।

नवीन पटवाल मूल रूप से आईटी सेक्टर मा काम कर्दा छया।नवीन पटवाल न् कुछ साल पैलि शहरों की चकाचौंध तैं छोड़िकि अपण गौं लौटणौ फैसला करे। वून् मशरूम की खेती से अपणो काम शुरु करे अर आज वो बड़ि मात्रा मा मशरूम की खेती कर्ना छन। लेकिन वूंकि सबसे बड़ि उपलब्धि गुच्छी मशरूम की खेती छ, जैतै वूंन् अपणा गाँव की मिट्टी मा उगैकि हि दम ल्हे।
नवीन पटवाल न् यह साबित करे कि अगर मन मा कुछ कर्नो का जज्बा हो, त कुछ बि मुश्किल नी छ। नवीन पटवालन् न सिर्फ अपणा गाँव को नाम रोशन करे, बल्कि पूरा उत्तराखंड मा रिवर्स पलायन की बात कर्न वळों खुणि बि एक मिसाल प्रस्तुत करे।