‘फिट उत्तराखंड’ अभियान चलाणा वास्ता मुख्यमंत्री न् देनी निर्देश

मुख्यमंत्री श्री पुष्कर सिंह धामी न् सचिवालय मा एक बैठक मा अधिकारियों तै निर्देश देनि कि राज्य मा ‘फिट उत्तराखंड’ अभियान व्यापक स्तर पर चलाये जावो। वूंन अपर मुख्य सचिव श्री आनंद बर्धन तै बोले कि सब्बि विभागों का दगड़ मिलि-जुलि कै ये अभियान खुणि एक विस्तृत कार्ययोजना तैयार करे जावा।

मुख्यमंत्री न् बोले कि फिट उत्तराखंड अभियान को मुख्य उद्देश्य प्रदेश का नागरिकों तै स्वास्थ्य, स्वच्छता अर फिटनेस का प्रति जागरूक कर्न, छ ज्यांसे वो स्वस्थ जीवनशैली अपणै सकीं। ये अभियान मा शैक्षणिक संस्थानों, सरकारी इर गैर-सरकारी संगठनों तै बि शामिल करे जालो ताकि ज्यादा से जादा लोगों तै येको लाभ मिलो।

मुख्यमंत्री न् निर्देश दे कि फिट उत्तराखंड अभियान का तहत योग, व्यायाम इर स्वास्थ्य जागरूकता अभियानों तै बढ़ावा दिये जावो। दगड़ मा स्कूल अर कॉलेजों मा खेल गतिविधियों तै प्रोत्साहित करे जावो ताकि युवा पीढ़ी शारीरिक रूप से अधिक सक्रिय अर स्वस्थ रावा।

मुख्यमंत्री न् बोले कि प्रधानमंत्री श्री नरेंद्र मोदी को मोटापा कम कर्ना वास्ता जागरूकता बढ़ाणौ आह्वान कर्यूं छ। वूंन यीं बात पर जोर दे कि लोगों तै अपणा खान-पान पर विशेष ध्यान देण चयेद अर भोजन मा तेलौ उपयोग कम कर्ना आदत डलण चयेंद। ‘फिट उत्तराखंड’ अभियान का माध्यम से यो रैबार प्रदेशभर मा पौंछये जालो। वूंन बोले कि सरकारौ लक्ष्य छ कि ‘फिट उत्तराखंड’ अभियानौ रैबार प्रदेश का हर नागरिक तक पौंछ। ये अभियान का तहत विभिन्न माध्यमों से प्रचार-प्रसार करे जालो, ज्यांसे आमजन अपणि दिनचर्या मा फिटनेस तै शामिल कर्ना वास्ता प्रेरित हो।