गैरसैण मा बाल लेखन कार्यशाला

गैरसैण (चमोली)। अल्मोड़ा बटि प्रकाशित बच्चों की पत्रिका बालप्रहरी, नगर पंचायत गैरसैण व क्रिएटिव उत्तराखंड का संयुक्त तत्वावधान मा राजकीय इंटर कालेज गैरसैण मा आयोजित बच्चों की 5 दिवसीय बाल लेखन कार्यशाला का समापन समारोह मा 140 बच्चों द्वारा तैयार हस्तलिखित पुस्तकों की प्रर्दशनी विशेष आकर्षण का केंद्र रै। मेरा परिचय, जीवन की घटना, यात्रा वर्णन, मेरी दिनचर्या, आदि का आधार पर लगभग 15 पृष्ठों तैं जोड़ि तैं बाल मुस्कान, बालप्रहरी,  बालवाटिका, बाल मन, किशोरी स्वर, नई ज्योति,  नई किरण, संभावना, बाल उमंग आदि नामों से अपणि-अपणि हस्तलिखित पुस्तक तैयार करे।

प्रारंभ मा कार्यशाला का प्रत्येक प्रतिभागी बच्चों तैं अतिथियों न् बैज लगैकि सम्मानित करे। औरेगैमी का तहत बच्चों न् अखबार से बणयां मुकुट अतिथियों तैं पैरैं।  प्रकाशचंद्र पांडेय द्वारा संपादित हस्तलिखित पत्रिका ‘गैरसैंण दर्पण,’ अर विनेश पोखरियाल, अल्का ममगाई, विजय मोहन हिंदवान,गौरव सिंह बिष्ट व बी एस बुटौला द्वारा संपादित  दीवार पत्रिका  ‘गैरसैण दर्पण, बाल दर्पण,  गैरसैण टाइम्स, बाल संसार अर क्रिएटिव गैरसैंण को लोकार्पण अतिथियों द्वारा करेगे।
किताब कौतिक आयोजक मंडल से जुड़्यां क्रिएटिव उत्तराखंड का सचिव हेम पंत न् सब्यूं को आभार व्यक्त करे अर बोले कि 5 व 6 अप्रैल खुणि गैरसैंण किताब कौतिक मा जख देश विदेश का प्रतिष्ठित साहित्यकारों की पोथि विभिन्न स्टालों मा होली वखि बाल लेखन कार्यशाला मा गैरसैंण का विभिन्न स्कूलों का बच्चों की हस्तलिखित पुस्तकों की प्रदर्शनी विशेष आकर्षण को केंद्र रैलि।
कार्यशाला मा राजीव गांधी नवोदय विद्यालय, राजकीय बालिका इंटर कालेज, राजकीय उच्च प्राथमिक स्कूल श्रीनगर, सरस्वती इंटर कालेज, सरस्वती शिशु मंदिर, सरस्वती विद्या मंदिर, न्यू होप एकैडमी, आर के जे एस इंटर कालेज, सीडिंग पब्लिक स्कूल, श्री गुरु राम राय पब्लिक स्कूल तथा राजकीय प्राथमिक विद्यालय गैरसैण का 140 बच्चों न् भागीदारी करे। समापन समारोह की अध्यक्षता राजकीय इंटर कॉलेज गैरसैण का प्रधानाचार्य के एस कठैत अर संचालन राजीव गांधी नवोदय विद्यालय की  कक्षा 8  की छात्रा बर्खा नेगी न करे।
समारोह तैं संबोधित कर्न दफै मुख्य अतिथि उप जिलाधिकारी अंकित राज न् बोले कि गैर शैक्षणिक गतिविधियों से बि बच्चा काफी कुछ सिखदन। वूंन बोले कि बच्चों का अंदर छिपीं प्रतिभा तैं निखारण मा अर वूंतैं अभिव्यक्ति को अवसर देण का वास्ता  कार्यशालाओं को आयोजन समय की मांग छ। नगर पंचायत का अध्यक्ष मोहन भंडारी न् बोले कि आज अभिभावक बच्चों तैं डॉक्टर व इंजीनयर आदि बड़ा पदों पर पौंछाणौ स्वीणा देखदन। समय का हिसाब से यो जरूरि छ। परंतु आज जरूरत छ कि बच्चा एक अच्छो इंसान बणौ। येसा वास्ता प्रयास कर्नै जरूरत छ। बच्चा बड़ा स्कूलों मा पढ़ैकि अच्छा अंकों से उत्तीर्ण त ह्वे सकदन। परंतु बच्चों मा मानवीय संवेदना व सामाजिक सरोकारों से जोड़णै जरूरत छ।  इस अवसर पर बाल साहित्य संस्थान का अध्यक्ष रतनसिंह किरमोलिया, उमा ढौढियाल, रमेश पांडेय बृजवासी, दयाशंकर जोशी, विजय सिंह भंडारी, भूपेन्द्र सिंह नेगी,दयाल पांडेय, दानसिंह नेगी, सीमा चमोली आदि उपस्थित छया।