लोक उत्सव मा रूप मा मनये जालो 2026 की नंदा राजजात यात्रा तैं

साल 2026 मा प्रस्तावित नंदा राजजात यात्रा तैं लोक उत्सव का रूप मा मनये जालो। स्थानीय लोगों की यात्रा मा अधिकतम सहभागिता हो अर सरकार सहयोगी की भूमिका मा रौ। नन्दा देवी राजजात यात्रा से संबंधित अभिलेखों तैं संरक्षित करे जालो। यात्रा का अभिलेखों तैं लिखणौ अर वूंका संरक्षण को ब्यूंत गढ़वाल एवं कुमाऊं विश्वविद्यालय की मदद से करे जालो। यो निर्देश मुख्यमंत्री पुष्कर सिंह धामी न् सचिवालय मा नन्दा राजजात यात्रा की तैयारियों का वास्ता आयोजित बैठक मा देनि।

मुख्यमंत्री न् बोले कि य यात्रा उत्तराखंड की धरोहर छ। वूंन अधिकारियों तैं नन्दा देवी राजजात यात्रा का देश विदेश मा व्यापक प्रचार प्रसार कर्ना निर्देश देनि। भारतीय दूतावासों का माध्यम से भी संपूर्ण विश्व मा नन्दा देवी राजजात यात्रा तैं पहुंचये जालो, दगड़ मा वूंन यीं यात्रा से जुड़णा का वास्ता प्रेरित कर्नै बात बि बोले। यीं यात्रा का माध्यम से विदेशों से भी उत्तराखंड तैं जोड़ि तैं ये तै ऐतिहासिक रूप दिए जालो। वूंन बोले कि राजजात यात्रा मा उत्तराखंड की संस्कृति, परम्परा, वेशभूषा, वाद्य यंत्रों की छाप दिखेण चयेंद। येका वास्ता संस्कृति विभाग तैं कार्य योजना तैयार कर्ना का निर्देश देनि। वूंन बोले कि विभाग लोक कलाकारों का वास्ता ये प्रकार की व्यवस्था बणौ जैसे वूंतैं लगातार भुगतान हो।

मुख्यमंत्री न् स्थानीय जनप्रतिनिधियों अर अधिकारियों तैं यात्रा से जुड़्यां हितधारकों का दगड़ बैठक करिक वूंका सुझाव तैं बि कार्ययोजना मा शामिल कर्नै की बात बोले। जैसे बेहतर तरीके से यात्रा को संचालन हो। वूंन बोले कि यात्रा को मार्ग उच्च हिमालयी क्षेत्र अर संवेदनशील छ। यात्रा मा बेहतर भीड़ प्रबंधन, पर्यावरण की दृष्टि से आपदा प्रबंधन, सिंगल यूज्ड प्लास्टिक पर प्रतिबंध का वास्ता एसओपी बणये जावा। यात्रा मार्ग का दगड़ ही वैकल्पिक मार्गो को चिन्हीकरण अर सुधार, आबादी वाले गांव मा छोटी छोटी पार्किंग, पेयजल, शौचालय, इको टेंट कॉलोनी, गाड़- गदेरो को सौंदर्यीकरण, विद्युत आदि की व्यवस्था सुनिश्चित करे जा। यात्रा मार्ग मा बेहतर नेटवर्क की व्यवस्था सुनिश्चित करे जा। वूंन यात्रा मार्ग मा अस्थाई अर स्थाई कार्यों तैं चिन्हित करिक स्थाई संरचनाओं की एक माह का भीतर शासकीय स्वीकृति प्रदान करिक कार्य शुरू करौणा का बि निर्देश देनि। आपदा विभाग को भू स्खलन वाला क्षेत्रों का चिन्हीकरण का साथ ही आवश्यतानुसार मार्ग मा पर्याप्त मात्रा मा जेसीबी, पोकलैंड का दगड़ हि ऑपरेटर तैनात रखणा का बि निर्देश देनि।

बैठक मा पर्यटन मंत्री सतपाल महाराज न् बतै कि 2026 मा भाद्र पक्ष की नंदाष्टमी से यात्रा शुरू होलि। या लगभग 20 दिन की 280 किलोमीटर की यात्रा होंद। या मां नंदा का मैत से ससुराल की यात्रा छ जो नौटी का पास स्थित कासुवा से होमकुंड तक की छ।

बैठक मा विधायक अनिल नौटियाल, विधायक भूपाल राम टम्टा, उपाध्यक्ष अवस्थापना अनुश्रवण विकास परिषद विश्वास डाबर, मुख्य सचिव आनंद बर्धन, प्रमुख सचिव आर.के सुधांश, सचिव नितेश झा, राधिका झा, शैलेश बगोली, पंकज पांडेय, सचिन कुर्वे, आयुक्त गढ़वाल विनय शंकर पांडे, विनोद कुमार सुमन सहित अन्य सचिवगण मौजूद छया।