डॉ दाताराम पुरोहित तैं मिले चौथो इंद्रमणी बडोनी स्मृति सम्मान
पुण्यतिथि पर याद करे गेनि पर्वत का गॉंधी इंद्रमणी बडोनी
रिपोर्ट-आशीष सुंदरियाल
18 अगस्त 2026 खुणि पर्वतीय गांधी का नौ से प्रसिद्ध स्व. इंद्रमणी बडोनी जी की 27वीं पुण्य तिथि पर दून पुस्तकालय एवं शोध केंद्र मा इंद्रमणी बडोनी चैरिटेबल ट्रस्ट न् इंद्रमणी बडोनी स्मृति सम्मान समारोह-2026 को आयोजन करे।
दून विश्वविद्यालय की कुलपति प्रो सुरेखा डंगवाल की अध्यक्षता अर गढगौरव नरेंद्र सिंह नेगी जी का मुख्य अतिथि का रूप मा उपस्थिति वळा ये कार्यक्रम मा लोक संस्कृति मर्मज्ञ, रंगकर्मी, शिक्षाविद, डॉ दाता राम पुरोहित जी तै चौथो इंद्रमणी बडोनी सम्मान दियेगे।
देहरादून मा आयोजित ये गरिमामयी कार्यक्रम मा प्रोफेसर राकेश जोशी, विभागाध्यक्ष, अंग्रेजी, राजकीय महाविद्यालय डोईवाला मुख्य वक्ता का रूप मा उपस्थित छया। दगड़ मा सेवानिवृत्त प्रधानाचार्य श्री बालकृष्ण नौटियाल जी अर वरिष्ठ पत्रकार श्री दिनेश सेमवाल शास्त्री जी न् भी ये मौका पर मंच साझा करे।
इंद्रमणी बडोनी स्मृति सम्मान का अंतर्गत इंद्रमणी बडोनी चैरिटेबल फाउंडेशन द्वारा डॉ पुरोहित तैं प्रशस्ति पत्र, अंगवस्त्र, स्मृति चिह्न अर ₹50,000 रुपए की धनराशि दियेगे।
कार्यक्रम मा गणेश खुगशाल गणी को व्यक्तव्य, डॉ शैलेन्द्र मैठाणी को मॉं नंदा को गीत, विजय राम रतूड़ी की इंद्रमणी बडोनी तैं समर्पित कविता अर अलभ्य त्रिष्ठव द्वारा रामलीला की राग-रागनी की प्रस्तुति बि ह्वे।
लगभग द्वी घंटा का ये कार्यक्रम मा शिव प्रसाद सेमवाल, बीना पुरोहित, रमाकांत बेंजवाल, कुलानन्द घनशाला, वीरेंद्र पंवार, मधुर वादनी तिवारी चंद्र शेखर तिवारी, विनोद बडोनी, अनिल नेगी, आशीष सुंदरियाल, बीना बेंजवाल, गजेंद्र नौटियाल, मुकेश लाल, राकेश डंगवाल, जगदीश प्रसाद खाली,आलोक डंगवाल, शैलेन्द्र सकलानी, खुशी नेगी, राजेश नौटियाल, हरीश बडोनी, संतोष सकलानी, राजेन्द्र लाल, शंकर गोपालकृष्ण, विनोद बडोनी,डॉ राकेश डंगवाल, निर्मला चौहान, अमिता मैठाणी, रीना खंडूडी, विमल बिष्ट, साहिल बिष्ट, अभिषेक बडोनी आदि उत्तराखंड का कतनै बुद्धिजीवी, पत्रकार, साहित्यकार अर गणमान्य व्यक्ति उपस्थित छया।
कार्यक्रम को सफल संचालन संस्कृति मर्मज्ञ, साहित्य का गहन अध्येता अर शिक्षक गिरीश बडोनी द्वारा करेगे।
